خلاص ارجع... قطار الشوق ...مرّك من زمااان .. و فات

حبيبي ريّـح امزونـك .. ذبـل ورد الغـرام .. و مـات
تعال و جمّع .. أوراق ٍ .. بقـت فـي ذاتـي .. و ذاتـك...


تعبت أقول لك.. إلحق .. على شوق ٍ زهـق .. بسكـاتـ
تعبت .. آلـوّح بيـدّي .. قطـار الشـوق مـا فاتـك...


قعدت اتطاوع اظروفك .. و مـرّك هالقطـار .. و فـات
و جيت أتلملم .. أشـلاء الحنيـن .. بكـف ّ شرهاتـك...


تعال .. و طل ّ في جوفي .. وشف وش لك .. نمى بالـذات
مشاعر .. كنـت أنـا أغرسهـا .. و تسقيهـا بطلاّتـك ...


وغصن ٍ لو تبي تهـزّه .. تساقـط فـي يديـك .. أبيـات
كسرته .. و انثنى عِرق الشعـور .. و شـوف مأساتـك ...


تغيب .. و لا تبي أشكي ..؟ و أحد يرضى على الغيبات ..!!
حرام أحيا مع أطلال ٍ .. بكت من صـوت .. خطواتـك ...


تذكّر كيف من زحمـة .. حياتـي .. أسـرق اللحظـات
و ازيّن .. من دموعي كف ّ .. لجـل آشيـل .. دمعاتـك...


تروح بدنيتك ناسي .. و أنـا جاالـس مـع الحسـرات
نعـد ّ اذنوبنـا .. و نسكـت .. إذا جينـا لغلطـاتـك ....


ونمشي .. نتبـع غيابـك .. نعـد ّ بدربـك الخطـوات
و نتراهن .. من الأكثر..! غلاك ..! او طول غيباتـك....!!


طلبتك .. فتّـش ايدينـك .. و دوّر للولَـه ْ .. نقشـات
رحلـت و مـا نقشـت إلا .. مسافاتـك .. مسافاتـكـ ...


صحيـح ان الزمـن ياخـذ مثـل مـا يكـرم المـدّات
مثل ما للنظر .. نكسه .. و شف قـدرك .. و طيحاتـكـ ...


و انا ادري للرجل .. وقفه ْ مثل مـا للقـدر .. وقفـات
و انا اذكر للبَخت ْ .. بسمه .. قبـل لاشـوف بسماتـكـ ...


واذا في شوفتك رحمـه ..! فيمكـن للجفـا .. رحمـات
احج ّ .. لشوفتك مرّه .. و لاأدري ويـن .. ميقاتـك...!!


حبيبي .. و العتب ما عاد .. يرضـى بكلمـه و نظـرات
و يُؤْسِفُنـي بِشــدّه انتهـى ... مفعـول نظـرااااااتـك ...


و أنا اللي كان لي قلـب ٍ .. يضـخ ّ الحـب بالنبضـات
وروح ٍ طيبهـا .. هفهـف .. علـى قيعـان زلاّتــك ....


وشوق ٍ كـان يتزايـد .. كثـر مابخافقـي ... دقـات
تجينـي بعـد ذا كلّـه .. و تسـأل " ويـن دقّـاتـك"


وش اللي امكلف ٍ نفسي .. أكابـر .. و إطـرد اللـذات
و إنـت الساهـي .. المتعـذر .. بكثـر انشغـالاتـك..


حصدت اللي زرعته و إنت .. خوفك يحصـد الغفـلات
أنا الغلطان لي قلـب .. عَشـق ْ فـوق إحتمالاتـك...


تعيش بواقعي مـره ... و أعيـش بواقعـك .. مـرااات
و اشكّل.. مـن همومـي .. مسرحيّـه لجـل ضيقاتـك ...


ابرحل فـي غياهيـب الزمـان .. و اركـب السجّـات
مع اني منْـك متعطّـش ... ماجـي شفقـان قطراتـكـ ...


مدام إنك.. شحيح الما .. ذبـل ورد الغـرام .. و مـات
حرام إغرس لك احساس .. زهق من طـول .. غيباتـك ...


خلاص ارجع... قطار الشوق ...مرّك من زمااان .. و فات
او إركب.. في قطار الذكريات ..( إن ) كان مـا فاتـك ...