طبع القوي يبتسم لو أدمعت عينه"

"طبع القوي يبتسم لو أدمعت عينه"
________________________________________


ماني بشاكي عليكم حظي الممــــــــــــحوق""
صدري تملّى حزن وأخفى مضامينـــــــــــه""

لن كبرت الكايده حنا أرتفعـــــــــــــــنا فوق""
طبع القوي يبتسم لو أدمعــــــــت عينــــــه""

والهاجس اللي خذا مع الزمن طــــــــاروق""
عز الله أنه على النيران صاليــــــــــــــــنه""

مايوم مثّل لكم شافق ولامشـــــــــــــــفوق""
يثبت ويرسي وعلم الطيب حاويــــــــــــنه""

البارحه والقوافي لاحق وملحــــــــــــــوق""
ذكرت عهد"ن" مضى مابيني وبينــــــــه""

اللي غلاها سكن وسط الحشا والمـــــــوق""
لو قلت كل المشاعر صعب تثمـــــــــــــينه""

ياأغلى غلا بالبشر مامثلها مخــــــــــــلوق""
غابت وصدري صرخ يادنــــــــــــيتي وينه""

أمس العصر ياحمد لاحت عليـــــــنا بروق""
ثم أرعدت وأمطرت والسيل غاشيــــــــــنه""

ماهوب برق الحيا برق الغلا والشـــــــوق""
خلته شمال وسرى والحظ ياشيـــــــــــــنه""

بنت الشرف ياحمــد هي منبع"ن" للذوق""
درب الردى ياالخوي تجهل عناوينـــــــــه""

أبكي وتبكي هواها والحشا محـــــــــروق""
والقلب من ماجرى عايف شرايينــــــــــه""

ماني بعاشق وهي بتمثل المعــــــــــشوق""
ألاّ نتبادل غلا ماأنتم بمحصــــــــــــــــينه""

واليوم غابت ولا أدري سبّتك ياالعــــــوق""
تقول حلم"ن" مضى ثم راح من حيـــــنه""

ياليتني مت قبل أن الضمير يفــــــــــــوق""
يصحى على ماش يستقبل معزّينــــــــــــه""

حلم مضى ياحمد والطاق لي مطبـــــــوق""
تعبت في غيبته للحين راجيــــــــــــــــنه""

أحسن لي أنسى وأريّح قلبي من الشــوق""
ويقفي هجـــوسي معي شايل دواوينه""