**غصن الغلا**

**غصن الغلا**

--------------------------------------------------------------------------------


حنّيت لليـل والمسـرا ولـوح البـروق
من بعد ما ليلـي البـارح سـرا بارقـه

وأتذكّرْ اوجاع قلبي..واستعيـد الطـروق
للي علـى شانهـا راسـي بنـا طارقـه

لازال من عهدها شـوق وبقايـا حـروق
ولليوم وأنا اشتكـي مـن كيّـةٍ حارقـة

وسّمْتها وانت لاهي في مسـار العـروق
واليـوم تـرْدِف عليهـا طعنـةٍ مارقـة

بين الضلوع امرحت..والبعد سهمٍ زروق
ياويلي ابطـى رجاك..ودمعتـي زارقـة

من زود حبِّك تدلّع بي غروب وشـروق
ماتدري انّـي بشـر ياشمسـي الشارقـة

اموت من ثني خصر..ولمْح طرفٍ سروق
ياكيف بك وانت نبضي من زمن سارقـه

بينك وباقي بنات النـاس بعِْـد وفـروق
اشلـون وانتـي بمـوّال الدلـع فارقـه

انا اشهد انّي لأروّق خاطرِك قبـل أروق
ياالوردة اللي على غصن الغـلا وارقـه

مابين عيني خروج وبين عينـي مـروق
الحزن يمـرُق ويخـرج دمعـةٍ غارقـة

كلّه من الليل والمسرى..ولمـع البـروق
والغالي اللي لمـع لـي بالهـوى بارقـه