بعض العرب

بعض البشر لامن حشمته طمع فيك
وبعض البشر لامن جفيته يودك

وبعض البشر يتعب على شان يرضيك
وأغلى من اخوانه بقلبه يعــــدك

ويا صاحبي هالحين بانت خوافيـــك
علقـــتني مابين مزحـــك وجدك

وش جاك مني ياعشيري وانا اخيك
قبل امس انا صاحبك واليوم ندك

لاضاق صدري من عنا وقتنا اجيك
واشوف دمعات الغلا فوق خــدك

والحين تظلمني وانا منك وفيــك
بكل إحترام اقول يا خوي حـــدك

ثمن كلامك يا عسى الله يهديك
لاصار ماي الوجه يعجز يـــــــردك

ثوب الردى ياصاحبي مايقديك
الثوب لا ثوبك ولا القـد قــــدك

انا اول انسان اذا ضقت بجيك
حتى ولا اذكر يوم وقــفت ضــــدك

ماتذكر اني بالوفا كنت اجازيك
وانته تجازيني بظلمك وصـــدك

لكن خلاص اليوم والله مابيك
النفس طابت سـو ماهــــو بــودك

الطعنه اللي من ورى الظهرتنهيك
وشلون لاجاتــك من اللي يـــودك

لا واهني يوم انا اموت بيديك
ذابح وتبكــي من ذبحته بيــدك



للشـــاعر / فيصل الشمري