قصيده

عـــزي لـقـلـب ٍ صـــار هــمــه مـخـاويــه
متعلـق ن .. لاهـوب شايـب ؟ ولا شــاب ؟

لاقـــــادر ن يــفـــرح بــشـــي ٍ يـسـلــيــه
ولا قــادر ن يلـبـس عـلـى حـزنــه ثـيــاب

راعـي الطمـوح يمـوت .. مـادرك منـاويـه
!لاخاسـر ن حلمـه .. ولا كـاسـب اعـجـاب

لاهــــو فـقـدلــه شــــي عــشــان يـرثـيــه
ولا ظفـر فـي شـي يحـسـب لــه حـسـاب ؟

اقسـى عــذاب ؟؟ .. يخـلـي الـرجـل يبكـيـه
عــذاب ! .. لـكـن ! تتـفـق فـيـه الاسـبـاب

لامـن عشـق حاجـه ! ولاهـيـب فــي يـديـه!
لاصـابـر ن منـهـا ... ولا عنـهـا تــاب ؟؟

الــحـــر وافـــــي مــايــخُــون بــراعــيــه
حتـى لــو انــه ! .. دون راعـيـه ينـصـاب

لاضـاعــت الـهـقـوه تــمــوت الـمـشـاريـه
ماكـنـهـا الا ( ثـلــج ) فـــي كــفــي و ذاب

خطـاي ! .. عطـيـت الشـنـب حــق يوفـيـه
الـيـن ! مـاشـفـت الـمــره ذلـــت اشـنــاب

حـتــى ردي الـســاس ! يـفـخـر بمـاضـيـه
في وقت ؟ .. ساوا النـاس مابيـن الانسـاب

وش عـــذر مـــن صـــدق كـــلام ٍ يـغـذيـه
لاصـار منهـو يـدعـي الـصـدق ؟ .. كــذاب

علـمـت نفـسـي درس ! .. مـانـي بنـاسـيـه
مـاقـيـل لـــي ولا حـفـظـتـه مــــن كــتــاب

لاحـدنــي وقــتــي عــلــى شــــي مـابـيــه
[اعـــز نـفـسـي] ومـنــة الــنــاس بــتــراب

الله يـــرجـــع كــــــل غـــالـــي لـغــالــيــه
والله يــــرد الـشـمــل مـابـيــن الاحــبــاب

اللـي يـبـي الفـرقـا ! .. عـسـى الله يهنـيـه
مـانــي ورا الـمـقـفـي مــطــارد وطــــلاب

لـــو كـــل مـــن قـفــى ! بـتـبـع خـطـاويـه
مافـارقـت عـيـنـي مـوالـيـف واصـحــاب !

ياصاحـبـي .. مـاعـاد لـــي شـــي اداريـــه
بـيـنـي وبـيـنـك مـابـقــت كـلـمــة عــتــاب

الـلـي يـحـز بـخـاطـري ! .. لـيــه احـاتـيـه
ماهـوب يستـاهـل شـقـا وحـرقـة اعـصـاب

الـظـن لامــن خــاب لاتـقـول لـــي : لـيــه
وش فــايــدة تفـهـيـمـك الــظــن لاخــــاب

كنت احسبـك ( بستـان ) محـدن يجـي فيـه
واثــرك ( مـحـل ٍ ) ينبـنـى فـوقـه اطـنــاب

اموت ضامي ! .. واحضن ( الهم ) واخفيه
ولا آرد ( المـا ) .. لاشـربـت مـنـه كــلاب

لــو كــل شــي بخـاطـري رحـــت اسـويــه
وش عـاد ابسـوي .. اذا خاطـري طــاب ؟