يا وطن حييت بالخير و عيون الصبايا

يا وطن حييت بالخير و عيون الصبايا = ما بعد عزتك عزه و لا بعدك رفاعه

و الله ان الشعر يآتي على عذب السجايا = كل ما ابحرنا لعينك و فلينا شراعه

فإن كتبنا عن عطاياك يا سيد العطايا = نزبن اللي ظامه الوقت و أظنته المجاعه

و ان كتبنا عن مزاياك يا كثر المزايا = يكفي ان النور منك ملا الدنيا شعاعه

قادك رجال ٍ ليا وقفت سوّت سوايا = نسل شيخ ٍ ما تقاصر على الطولات باعه

علمونا ان الوطن دم و رجاله خلايا = و ان من يرخص دمه ما على وجهه شفاعه

يا وطن لا عز شعب ٍ تروعه المنايا = و المنايا دون حدك لنا حق ٍ و طاعه

قربوا منا الدهايا و احساس الدهايا = ما ربينا في ترابك على غير الشجاعه

و الحسود اللي حكا فيك شغله بالحكايا = هذي اطباعه و اذا ودك ، نغيّر اطباعه !!

من بلانا راح ما عاد من عز به بقايا = قام من هجعة منامه يدوّر للفراعه

يا وطنا والله انا على صدق النوايا = من تقوّد له ذراعه كسرنا له ذراعه !!

و البشر ما تجهل إنا إذا جينا فدايا =نقلب الدنيا على راسها في نصف ساعه !!

دام حبك في دمانا و يلعب بالحنايا =والله ان تبقى على عز و امجاد و مناعه

قالوا إنا بدو ؟! قلنا على روس البرايا =بدو نعرف نقطع الراس ! لا حان انقطاعه !!

و ان بغينا ، شمّخ الروس نجعلها وطايا =ما علاها الأرض مثل السعودي و ارتفاعه

**

زغردي يا ديرتي مجدك كبير ... واشربي من صافي زلالها

قادك الحنون أبو قلب كبير ... أبو متعب نجمها وهلالها

**

السعودي يرفع الراس ويميل عقاله ... ماانحنى راس السعودي ولا طاح عقاله

**

قادك الحنون أبو قلب كبير ... أبو متعب نجمها وهلالها

مد يده للفقيره والفقير ... وأمسك بيد العجوز وشالها

فرحة عمت كبيراً مع صغير ... فرحة للعايله وعيالها

**

السعودي يرفع الراس ويميل عقاله ... ماانحنى راس السعودي ولا طاح عقاله‏