جدول العناية اليومي

السلام عليكم ورحمة الله وبركاته


الجمعه..


()حمام بخار للوجه مع عمل تقشير للبشره وبعدها قناع قابظ للمسام " منه كثير افضلهم قناع من عند "أفون.. او بدي شوب "
()حمام مغربي للجسم.
قبل النوم نضفي بشرتك بالمنظف اللي يناسب بشرتك...



السبت..
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..


()قناع مغذي للبشره"الوجه والرقبه" على حسب نوع بشرتك.


الاحد..
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..


()عنايه كامله باليدين...


الاثنين...
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..


()عنايه بالشعر .." زيت للشعر "
() خلطه للجسم...


" بذكر لك من ايش تتكون وكيف تستعمل بعد الجدول.."



الثلاثاء...
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..


()عناية كامله بالقدميين..


الاربعاء..
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..


()قناع مغذي للبشره"الوجه والرقبه" على حسب نوع بشرتك.


الخميس..
تنضيف بشره ثلاث مرات يومياً "المنظف اللي يناسب بشرتك"
()صباحاً () بعد الظهر ()مساءً..



طبعاً الخميس بيكون طلعات وروحات وزيارات عشان كذا خليه "بريك" واذا حابه تسوي شي براحتك لكن انا عن نفسي مخليته استراحه..


ملاحظه...


(( بالنسبه لحمام البخار للوجه والتقشير استمري عليهم كل اسبوع لمدة شهر بعدها خليه كل اسبوعين بعدها كل شهر وبعدها طولي المده لان كثرة استعمال حمام البخار يوسع مسام البشره ويخلي مظهرها مره قبيح))




طريقة عمل الحمام المغربي...


الادوات المطلوبه ...


جهاز حمام بخار"سونا" واذا ماعندك جهاز البخار حق الوجه كفايه..
صابون مغربي "سائل"
ليفه مغربيه.."منقوعه بماء حار جداً..
حمام زيت للشعر "يفضل فاشكول بالثوم او العسل"


الطريقه..
1_ادخلي السونا مدة من خمس الى عشرين دقيقه..واذا ماعندك اوكي شغلي جهاز البخار حق الوجه وخلي البخار اللي طالع منه مسلط على جسمك..


2_ روحي تحت الدش وخلي الماء دافئ مائل للحراره.."مو بالحيل لاتدعون علي"


3_ اغسلي شعرك بالشامبو اللي يناسبك..


4_ بعدها حطي حمام الزيت على شعرك "فاشكول" وارفعيه فوق " بشباصه "


5_ غطي كامل جسمك بالصابون المغربي "باليد "


6_ انتظري ربع ساعه ..


7_ بعدها ادخلي تحت الدش والماء يكون دافئ جداً مدة من ثلاث الى خمس دقائق..لحد ماينزل الصابون زين ومن دون فرك.


8_ خوذي الليفه المغربيه وافركي جسمك بشكل دائري من تحت لفوق كامل الجسم .. بيطلع الجلد الميت من جسمك..


9_ الحين روحي للدش وافتحيه على الماء البارد فقط واقعدي تحته من 3 الى 5 دقائق ..


10_ بعدها اغسلي جسمك بالصابون اللي يناسبك " يفضل صابونة البابايا "


11_ نشفي جسمك كويس ورشي عليه ماء ورد بالكامل وخليه ينشف لوحده..


كذا خلاص انتهينا و... نعيماً ياحلوات..



بالنسبه لزيوت اللي انا استعملها واللي تحطينهم على شعرك يوم الاثنين هي..


زيت النارجين
عصارةالصبار" زي الزيت لاتجبون اللي زي المويه موجوده عند العطاريين"
الخروع
اللوز الحلو
الجرجير
كلهم الاصلي وموجود بكثره عند العطارين..
اخلطيهم بعلبه كبيره كلهم سوى واستعملي منها على قد طول شعرك..
***
اما خلطة الجسم السحريه وربي فضيعه هي..ليمونه وحده ..
3 ملاعق جليسرين السائل..
حطيهم سوى في علبه و رجي العلبه كويس وادهني جسمك بالكامل واللبسي بجامه قديمه عندك وخليه على جسمك نفس مدة الزيت اللي في شعرك ..يعني ساعتين بالكثير..
يمكن ماراح ترتاحي فيه لكنه مره ممتاز للجسم يخيلي الجسم متناسق كله لون واحد مع الاستمرار..


بعدها خوذي حمام على السريع "بس مو حمام مغربي تراه مهوب حلا" وبعد ماتطلعين نفس الحكايه رشي ماء ورد على جسمك.."جداً ممتاز"


*****


اما الاقنعه المغذيه فانا افضل قناع الحلبه والزبادي.. ادري مااحد يتحمل ريحة الحلبه بس هي تروح بعد كم ساعه لانها استعمالي خارجي وماراح تاكليها ..


الطريقه هي..
2ملعقة عسل
1ملعقة حلبه مطحونه..
اخلطيهم وحطييهم على بشرتك مدة نصف ساعه بعدها اغسليه بمويه دافيه وبعد ماتنشفي وجهك امسحي وجهك بقطنه مبلله بماء ورد عشان تنعشها وكمان تخفف من ريحة الحلبه كثير..


قناع الزبادي..
2 ملعقة زبادي..
1ملعقه حبة بركه مطحونه..
1ملعقة نشاء..
يخلطون سوى بعدها حطيهم علي وجهك ورقبتك لحد ماينشف بعدها تغسلينهم بماء دافئ..



*******
العنايه باليدين..


هذا الاسبوعي.
ابشري ثوم"المقدار اللي تحتاجينه"
حطيه بقدر صغير وحطي عليه شوي زيت "شوي مو كثير"
احمسيه على النار لحد مايذوب بس مايتغير لونه ... تقريباً دقيقتين بس..
حطيه بعلبه وخوذي منه وحطي على اظافرك والجلد اللي حوله ..
افركيه مدة من 3 الى 5 دقائق...
راح تلاحظين انه الجلد الميت بدا يطلع"اضغطيه بـ أظفرك "
شيلي الجلد البارز بموس الاضافر..
هذ بيفيدك في .. الثوم راح يقوي اظافرك ويخلصك من الجلد الغامق اللي يكون حول الاظافر..
اليومي..



********


العناية بالقدميين..



العنايه الاسبوعيه بيكون بنقع القدميين بماء دافئ مذوب فيه املاح البحر الميت تقريباً 2الى3ملاعق
بعدها قومي بشيل الجلد اللي في اسفل القدم بالموس المخصص للاقدام..
بعد كذا ادهنيه باي كريم مرطب "فيه منه عند بدي شوب ونكتار وزهور الريف ممتازيين"..هو والساقيين..
لاتنسين تقلمي اضافرك ..
اما العنايه اليوميه فافضل شي قبل تنامي تسوي مساج للاقدام والساق بزيت اللوز المر يفضل يكون دافي ..ممتاز جداً