ياصاحبي والليل .. هـمّ وعذاريـب

الســلام عليــكم ورحمه الله وبــركـاته...

تبـــدع الانــامل .....
لرويه موقف معين او موقف خيــالي..
وتصــاغ منهــا درر ...
اليـــــكم هذهـ الدرر


ياصاحبي والليل .. هـمّ وعذاريـب
والوقت ضيّع مازرعت إبسنينـي .!

والضيق والسجّات .. ربع وآصاحيب
نجلس سواء والعمر عقبك حزيني .!

شباب من فعلك .. كسى رآسي الشيب
مخلص ولكنّ فيك عيـبٍ وشينـي.!

ترجع بعد غيبه .. ثم تقـول بآغيـب
ياخي حـرام اللـي تسويـه فينـي.!

وأنا معك فالعسّر .. وألا الأصاعيـب
محزّمك يا مخاشر غـلا والدينـي .!

ومن دون آيت شك وألا بعـد ريـب
في ذمتي انـك ( طريقـي و عينـي)

شفلك وسط صدري سلام وتراحيـب
لاجيت وألا اقفيـت فـرح وآنينـي.!

عشتك جروحٍ من غلاتـك معاطيـب
طال الزمن والحال حال السجينـي .!

انظم قصائد فيـك وارسـل مكاتيـب
في محتواها ( ويش بينك وبينـي ).!

مابيـن تعذيـب الضمايـر وتانيـب
صدّري يوم انّه اطلقك ياأكسجينـي.!

روّحت من باب الوصل والمواجيـب
على أمل انـك تـروّح وتجينـي .!

وأبطيت عني قلت : علقّـه وتأديـب
ذهب .! ولكن طار من بين إيدينـي.!

حزن وثقالة نفس .! والخاطر إصعيب
بيّح كنينـي منّـك بيـحّ كنينـي .!

يالاللغرابـه منـك .. ياللأعاجـيـب
مخلصّ ولكنّ فيك عيـبٍ وشينـي .!

ترجع بعد غيبه .. ثم تقـول بآغيـب
ياخي حـرام اللـي تسويـه فينـي.!

.
.
[ نُقلتْ من شآعرهــآ ..
عبدالرحمن مازن العطاوي ]