محتاج نصـف انسـان !

قفرا .. و انـا محتـاج فـي تيهـي الـورد

محتاج نصـف انسـان أو صـدق الاشعـار


مليون وجه بداخلـي .. و مـا معـي حـد
و الوحده أكبر من بكا النـاي ؛ و الطـار !!


أطوف بيـن المولـد الصعـب .. و اللحـد
و اقول : عـدا العمـر؟ أو لعبـة النـار ؟!

البحر .. بيـن ظنونـي السـود .. جرهـد
و البحر فـوق امتـان خوفـي لـه اوكـار

بس المهم .. حكايتي .. طيـر .. و احتـد
طير ٍٍ مسـك باطـراف سربـه ؛ و لا طـار

اليـوم أبلعـب وحـدي بلـوحـة الـنـرد
و اليوم أفـوز بعثـرة الصاحـب .. البـارّ

قرب الحزن ؛ و اوراقي البكـم ، و العـد ..
و آصل لآخر رقم .. و ارجـع للاصفـار ..

لكتابتـي / للعشـب / لاحـلامـي البِـلْـد
للبنت الاولـى فـي حياتـي / للاشجـار ..

ربعي / و خيمة قومـي / و مسبحـة جـد
و اصحى .. و انا افرك وجهي برمل الاقفار !

الليل هـان .. و هانـت البيـد .. والشـد
شديت ظهر الموت .. في ركب الاغـرار !!

أنا .. أنـا مـا بيـن صوفـي .. و مرتـد
كثرت ذنوب الغير عندي .. و انـا العـار !

محتاج لحظة صلح .. عن جد .. عن جد ..
و الم بعضي بعدها .. بصمـت جبـاااار !!