### بعض الجروح ان صابت القلب تنهيه ###

*



طــآح ألعتب مـآ هيـب لحيـة مشـــآريـه
خـلّ الكـلام و حبــل الأعــــذآر طـــوّه



ما رآح أقـول أشلون أو كيـف أو ليــــه
تـرىآ الســؤآل بـدون أجـــآبـه مـشـوّه



ألعـذر مــآت ومــآت هـمّـــه ورآعيـــه
وألجـرح جـفّ وجـفّ غيمـــه ونـــــوّه



صآحبـك ضآع ألهرج من بين أشــآفيـه
مـآكنّــه ألـلــي كــــآن قبــلـك مـفـــــوّه



يجمــع لك مِـن الشعـر فـآخـر معــآنيـه
ويمـــــوت عنـــدك قبـل فـيـه أيتـفـــوّه



ليــه أنصــدم وتخـــون قلبــي هقــآويـه
ويطيــــح نجمـي و أنخــذل فـي عـلـوّه




أصــدق مـع ألـوآحـد وأحبــه وأثـآريـه
طـــــول ألليــآلـي معتبـــرنـي عــــدوّه



لا يـابـعــدهــم وأول ألغيــث تـــآلـيـــه
وأنت اتـعـرف قلبــي وخيـــره وسـوّه



يمـكـن لـو أنك قلت غلطــآن قلـت أيـه
ميـر ألـبـــلآ أنـك قلـت نـآقـص مــرّوه



قـلّـي متـىآ شحيت فـي شـي ٍ أعطيــه
وقـلـّي متـىآ صــآرت محبتــك خـــوّه



يصعـب علىآ ألـرجــآل يثبـت مبــآديـه
وأن كـآنه أثبـت كيــف يثبـت سمـــــوّه



الـلـه يبـيـحـك عـن خـطــآك وتمـــآديـه
ويبـيـــح قـلبـك عـن خـطـــآه وغـلــوّه



مـآ دآم حبــك خـآلـطــه شــكّ مــآبيـــه
حـبّ ألعـتـب وألشـكّ مــآعيــش جــوّه



مـآكنّــي ألـلـي كـل مــآ تلـمـس أيــديــه
يغمــرك بأحســآس وحـنـــــآن الأبـــوّه



ومـآكنّـي ألـلـي كــل مــآمــرّ طـــآريـه
ضــجّ ألفضــآ بأسمـه وعـكّــر هـــدوّه



يـآمـرحبــآ بـ الجــرح و الله يحيـيـــــه
لاصــآر مـن يمنـــآك و الجــرح تــوّه



بعض الجروح أن صآبـت القلب تنهيـه
وبعض الجــروح تــزوّد القـلـب قـــوّه



الله كتب والـقــوس فـي كــفّ بـــآريـه
وألـلـي تشـوفه ياأبيـض ألـوجـه ســوّه