قصيدة قــتــل الأمــانــي وقصيدة انتهى حبي وانا معه انتهيت

السلام عليكم ورحمة الله وبركاته

من قصائد الشاعر سعد بن جزاء الميموني ( شاعر حزن )


أســـم القصيدة///(( قــتــل الأمــانــي))

ياليتني مـــيــت ولا عيني تـــشـــوف

خلي يــزفـــونه على شــخـــص ثـاني

طعنت غدر جتني كما طعنت سـيوف

يوم الحبيب اختار غيري ونــســــاني

ثارت وشبت نار في داخل الجـــوف

وانا اشوف الـغير ياخــــذ مــكـــاني

من صدمتي كــنـــــي مقيّد ومـكتوف

من صدمتي هرجي عجز به لســـاني

وحارت على شفاتي سؤالات وحروف

لــيــه الـــخــيانــه ليــه قــتـل الامـاني

كنت احسبه خلي وفي حالــي يـــروف

واثره حكم با اعــدام حبي وحــنــانـــي

كنت احسبه ماله بهالــعــالــم وصـــوف

كــنــت احــســبــه وافــي ولاهـو اناني

واثري انخدعت وراحت سنيني حسوف

وضاعت حــيــاتـي وانـتـهـت في ثواني

وصار الحزن والهم والجرح والخـوف

صــاروا رفـــاقي يـــوم خـــلي رمـاني

وماتنفع الــحــســره ولاصفــق الكـفـوف

يــامــوت ريــحــنــي تــرانــي اعــانــي

ويالــيــتــنــي محــروم مـن نعمة الشوف

ولا اشــوف الــغــيــر يــاخــذ مــكــانــي


أســـم القصيدة///((انتهى حبي وانا معه انتهيت))

إنتهى حبي وانا معه انــتــهــيــت

دام خلي باع في قلبي وخــــــــان

يشهد الله اني في حبه وفــــيــــت

صاينٍ ٍ حبه لي سنينٍ ٍ ثــمـــــــان

وتشهد ابيات القصايد بيــت بيــت

وتشهد الدنيا ويشهد لـــي الــزمان

يشهدون اني لغيره ماهـــــــــويت

واضحٍ ٍ اخلاص قلبي للـــــعـــيان

ويشهد الله كل شئٍ ٍ له عـــطـــيت

حبي الصادق وشوقي والحـــــنان

وسبة اني واثقٍ ٍ فيه انــعـــمـــيت

عن خـيــانــاتــه ومعــطيه الامان

من سبايب طيبتي وحبي انكويــت

ومابقى للفرح في قلبي مــــكـــان

وانهدم صرحٍ ٍ من اشواقي بنــيت

وصرت اشوف الحب قدامي يهان

وغصب عني كل ما اذكر بكــيت

يوم خلي باع في قلبي وخــــــــان