أكذب عليك إن قلت ماني بمشتاق

اكذب عليك ان قلت ماني بمشتاق***
واكذب عليك ان قلت حبك نسيته..

خل الكلام اللي طعن صمت الاوراق***
يحكي لك اللي مانطقت وحكيته..

ناظر عيوني شوف تاثير الاشواق***
شوف الفرح وشلون بعدك جفيته..

كتفي يشيل من الزمن فوق ماطاق***
والضيق يرضا بي واناما رضيته..

الى متى وانا انتظر لحظة اشراق***
الى متى والحزن هالقلب بيته..

الى متى والهم ينحت بالاعماق***
واسقيه من فرقاك دمع بكيته..

ياصاحبي شف خاطري مابعد راق***
بنفس الطريق اللي انتهي وابتديته..

ضاق الزمان وكل شي بعدك ضاق ***
حتى القصيد اللي بصدري احتويته..

عمر الشعر ماضيق صدور الاوراق***
الضيق ضيقي لاكتبت وقريته..

تعبت اجمع مابقالي من اشواق***
واقول ليت الوقت يفهم ياليته..

ياقوى قلبك وانت محرقني احراق***
ارفق بحال اللي ذكرك ونسيته..

تدري عزاى ان حدك القلب تشتاق***
دور على بكل درب مشيته..

يمكن تلاقي درب بدروب الفراق***
يجوز ربي كاتبه واهتديته..

ومادام ربي في قسمته الارزاق***
انا اقتنعت بما كتبه ورضيته