الشاعر عبدالله بن سبيل رحمه الله

ياذعار أنا قلبي هذا اليـوم حولـهمن العام ينقص مابقـى إلا قليلـه
مثل الشعيب اللي تقافـت محولـهمسـنٍ جنابـه يابـسٍ حنظليـلـه
ربيـع قلبـي جيـة البـدو حولـهوتقيـرب المقطـان واحبنـي لـه
والسوق يعجبني إلى شفت ضولـهمثل النظيم المختلـف عـن مثيلـه
ذولا لهم حاجـة وذولا بـدوا لـهيلهون راعي الـواردة عـن قبيلـه
وش خانة المقطان في كـل جولـهحـز الربيـع إلـى تزايـد نزيلـه
ربيعهم قول العسوس ارحلـوا لـهعشب جديد ولابعـد جـف سيلـه
والصبح سمحين الوجيه احقلوا لـهوعطّ السلف واستجنبوا كل اصيلـه
وكلٍّ لأهـل بيتـه ينـوخ ذلولـهونوّخ خفيف الزمل وأقبـل ثقيلـه
والبيت يبنى فارقـه كبـر زولـهلابد شرّاب الحشايـش يجـي لـه
في روضةٍ صكت عليهـا نزولـهوالفقع قدم البيت مـا ينعنـي لـه
تلـوة نهـار وكلّهـم سيـروا لـهوالخيل من تاعي لها ترعـوي لـه
ماقيل يارعي الحصان اقهروا لـهباطرتـه النعمـة مديـمٍ صهيلـه
وباغٍ إلـى ماوقـف العلـم طولـهوتنافضت بيـن العميـل وعميلـه
نيه على اطراف العرب واجمعوا لهنمرا تصهرج مثـل نـو الرفيلـه
والسبر روّح وردهـا فـي حلولـهودرهم عليه الشيخ واشتـال شيلـه
وشافوا عياله يوم هـم قربـوا لـهصفرا تكف الخيل عن كـل عيلـه
قالوا مطالـع قـال الآخـر يقولـهوتعايلـت قـدام يومـي شليـلـه
وفاضوا على طرشٍ وساعٍ خلولـهمـن دنـة الغـارة تزايـد جفيلـه
حوّوا ودوّوا بأولـه واقهـروا لـهماعنده إلا مـن يحلـب بصميلـه
يوم اوسعوا لحق الطلب وارجحوا لهكـل أبلـج يأخـذ عليهـم دبيلـه
كم مايـقٍ برماحهـم سبقـوا لـهمطغيتـه الدنيـا يحسبـه طويلـه
وهـود وعـود كاثـراتٍ عذولـهكـلٍّ بقلبـه واهـجٍ مـن غليـلـه
يمشون مشي اللـي ثقـال حمولـهزمل مـن الوزمـة رخـيٍّ لكيلـه
يتلـون شيـخٍ ماضيـاتٍ فعولـهيسري وغب سـراه ماينـدري لـه