يقولون مالا يفعلوون...حامد زيد

مابقى ألا سود الأيام تحرمك الرقاد
كيف الأوهام تجراء تسريك مغبون
من متى تجزع من الدمعة تخاف البعاد
من متى تقفي بك ظنون وتجيبك ظنون
صرت تأخذ كذبتي صدق ومزاحي وكاد
أو أقول إني بخونك تحسبني يخون
ماتعرف أن كل شاعر يهيم بكل واد
وإنهم دايم يقولون مالا يفعلون
ابك أنا لو قلت أبنساك وأنكرت الوداد
والله إني مانسيتك ولاهم يحزنون
من جزع من صفعه الشمس يطمع بالبراد
من فقد وجهاته الخمس يلقباك ركون
اعتبرها هفوة إنسان أو كبوه جواد
لو تسمح فأنت غالي لو تجرح تمون
عد صداتك مروه وطعناتك ضماد
خلهن لاراحن طعون ولا ردن طعون
خنجرك يستأهل الطعن ومتوني شداد
ومنك يازين الخناجر ويابخت المتون
ردلي حنيه المزح بالحساس الجماد
خلنا واحد يجي صلب والثاني حنون
موت فيني واندفن فيك بثياب الحداد
وان حييت أموت لأرضاك واحي بك بهون
مره ارقد بالكفن وأنت ترقد بالمهاد
ومره ارقد بالمهد وأنت ترقد بالكفون
ادري أن شجونك شجون وعنادك عناد
والبلا أن عنادك عناد وشجونك شجون
ربك اللي سخرك لي تقود ولا تقاد
والله الخالق ولله في خلقه شؤون
ازرع ضلوعي من رضاك وابشر بالحصاد
لعن أبو من جيت ترضيه وترد محزون
بس تسوى لك بلد قول تسوى لك بلاد
أنت كل العالم بكون وأنت لحالك بكون
مابعد محبتك حب ومرادك مراد
غير كونك سيد حشاي تدري من تكون
نعمتين اختصوا الخلق من جود الجواد
كافل الأرزاق من حيث لاتعلمون
البنون ونعمه المال في عيون العباد
زينه الدنيا بلا شك في كل العيون
مثل زينه دنيتي بس عندي شيء زاد
من عرفتك صار المال وأنت والبنون
آن تشبيك نشوه التيه لعناق ورشاد
وافزعلك فزعه القرم لشهاق الزبون
وأحصنك تحصين الأرزاق عن درب الفساد
وأعشقك عشق المظاليم لفراق السجون
لو تزيد الشوق جمره تحولني رماد
لويزيد العشق شعره بوصل للجنون
خل هقواتك كبيره ونظراتك بعاد
كأنك بكبرك تهون من اللي مايهون
ازعلك وارهن حياتي تحت رحمه زناد
تهبا لا ولا والله أنت والموت تهبون
عاد أذا لأرضاك هرجي وأنا اللي قلت فاد
إننا لله وإنا إليه راجعون
وأنت باكر بتعرف على ناس جداد
والكلام بيجيك من كل شكل وكل لون
لاتحسب أن كل كلمه بتسمعها وكاد
ولأتصدق هرج شاعر وتخدعك الظنون
دايم اعرف إن كل شاعر يهيم بكل واد
و أنهم دايم يقولون مالا يفعلون
حتى إنا اللي قلت أعشقك وما أطيق البعاد
يمكن لاطلعت أعشقك ولاهم يحزنون
...^_^...