إقرب بعلّمّك كيف إنك تقهويني=من دلة الشوق في فنجال لا تبعد

إقرب بعلّمّك كيف إنك تقهويني=من دلة الشوق في فنجال لا تبعد

--------------------------------------------------------------------------------


لحظه بعلّمّك كيـف إنـك تقهوينـي
من دلّة الشوق في فنجـال لا تبّعـد

شاخةّ عليك المشاعر وانت جافيني
مدام هذي مزوني ! ليه ما ترّعـد؟

أهديتك الوصل وانت الصد تهدينـي
وأناني الحسّ طول العمر ما يسّعـد

خلك بجنبي لا والله فـي ضلاعينـي
وإنظر بقلبي وتلقـى يالغـلا مقّعـد

تراه مقّعدك دايم ! يا نظـر عينـي
في عالي القلب ترقى له ! بلا مصّعد

رح لَمّلِمّ الشوق من شتى ميادينـي
قدام وجه إشتياقي بالزمـن يجّعـد

وتجانس الفكر ما بينك ومـا بينـي
يبني بروج الغلا ويحلّـي الموّعـد

تفاحة الحـب مثلومـه سكاكينـي
والخوف يسكنك وعروقي لك المجّعد

الشوق سربه سرى لك من شراييني
معتوه من قال سرب الشوق ذا ينّعد

إقرب بعلّمّك كيـف إنـك تقهوينـي
من دلّة الشوق في فنجـال لا تبّعـد