قصيده للشاعر عبدالله بن زوبين الحربي

لي حاجة عيت تحقق مـن العـام==عيا يطيب الحظ لو قلت أظنه
يفز فزة غاتـرن عقـب مانـام===جنه حلومن مزعجة وأيقضنه
وجدي على تحقيقها وجد صـدام===على يدين بالـولاء بايعنـه
وبلاده اللي ماعرضها للاسـوام==وعرش الرئاسة والجيوش المرنه
اللي قذايفها تعـدت ورى الشـام==شامير يوم ولايتـه روعنـه
وبيوته اللي من سيراميك ورخام==خطط وصممهن على كيف فنه
ماتنتعـدد تكلفتهـن بـالارقـام==ماهو مواطن عايدي يبهضنه
حاكم من الحكام ويصـدر الخـام==دار السرية والدول يدعمنـه
متريس له دولة شعبهـا اقسـام==ويلعب على القسمين شيعة وسنه
مخلي(ن) شيخانهم تقـل خـدام==يمشون خلفه خوف ماهو محنه
ملا البيوت من الارامل والايتـام==وملا السجون المظلمة والمجنه
ياليـن طشنـه مقاديـر الايـام==من النجـوم النايفـة نزلنـه
مثل الوليشة بين عدوان الاسلام==من كل صوب كلابهم ينهشنه
أو وجد عود(ن) يرتكي كل ماقام==على كفوف يدية من كبر سنه
اليا غفل بايامـه الماضيـة هـام==وليا أنتبه من غفلته جر ونـه
من عقب ماهو للمغاويـر مقـدام=اليا غزا صـم الرمـك يتبعنـه
ومروبع(ن) يزمي مثل عز لـزام=اليا اقبلن شيب الغوارب نصنه
بظهورهن ربعن كريمين وحشـام==اليا جذبهم صوت نجر(ن) يدنه
يجذب له الغايب وسمـوه عـزام====من كثر مايجذب شراريب بنه
اليوم كل اللي بقي جلـد وعظـام==والمال خمس شياه والبيت عنه
ولاله عيال(ن) ينصرونه ليا أنظام==الا بنات(ن) بالهضايم شونـه
ياقلب خلـك للروابـع والاوهـام==رفيق درب وكـل هـم تبنـه
والا أنتفض واربط محقاك بحزام==وعن قوم وش سويت خافيك كنه
والشر عنك خلاف والخير قـدام==والصبر في وقت المعاناة سنه