قصيده ايضا للشاعر لافي حمود الغيداني

يامكثرين الهرج لاسمـع ولا اجيـب
....................... تريحـو مـن فضلكـم واسمحولـي
تريحـو لا تلاحقـون المشاهـيـب
......................على الردى ماني شفوقـآ عجولـي
بالعقل والصبر أدب النفـس تاديـب
..................... والالهـا مـده تصـول وتجـولـي
انا ليا قلت ارتـب القـول ترتيـب
..................حتى يجي كـيً علـى فـك قولـي
ليا ارسلت لافكار القريحـه مناديـب
...................تريعن مـن عقـب ماهـن جفولـي
لكن مالـي مـن وراهـا مكاسيـب
.................لو كان عشـاق القشـر صفقولـي
مامستفيـد الا العـداء والاجانيـب
..................مانـي مطيـع مقرعيـن الطبولـي
خليتهـا تعطـي فجوجـاً مجاديـب
................... جرباًتجـود فـي رسنهـا مهبولـي
والله لجنـب دام لـي درب تجنيـب
..............من شرهة احشام الرفاقـه خجولـي
لو انهـا بيـن النحـر والتلابيـب
................من الحياء وجهي ماهـو بمغسولـي
على الجماعـه للجماعـه مواجيـب
...................اليا اجهلو قـدر الرفيـق الهتولـي
وماني على ربعي قريـب محاظيـب
.................ادنات ما يخلينـي اسـرج خيولـي
ان جات من طيب شقاها على الطيب
.................... لو انها اعوج مـن رقبـه الذلولـي
وان جات من مسكين منطق واساليب
......................حطيتهـا بيـن الثـرى والنعولـي
ماحركت شعـره ولا طلعـت شيـب
..................... ولا ضيقة صدري ولا طـق جولـي
وان كان في صبري على ميلهم عيب
......................العيب تفتيـش الصـرر والحثولـي
وان قمت تذكر في رفيقك عذاريـب
.......................تبيـن اعيوبـه لذولـي وذولــي
صبرك على ربعك علاج وتطابيـب
.................. ويقصر احبـال السالفـه لا تطولـي
حتى ما يلقا فـي طرفهـا مقاظيـب
....................... كـراه خيـر وللمشاكـل ميـولـي
وليا بليـت بتايـهً شـره وصعيـب
...................... يقول انا العـراف وانـت الجهولـي
قول الله الله يـا حصـان الاطاليـب
.....................ياالفاهـم العالـم عطيـب الفعولـي
هذا الكلام اللي مافي صحتـه ريـب
.......................لاني بلا حولـك ولا انتـه بحولـي
احصان وابن احصان طيب مجاذيـب
.....................وبا المعرفه رجـلً محلـي ودولـي
خله يروح ويخطي الدرب ويصيـب
......................ويقول ما بالناس عرضـي وطولـي
والفرق ما هو باللحـى والاشانيـب
......................الفرق بين النـاس فـرق العقولـي
كم واحداً تحسن به الظـن ويخيـب
......................السـن يضحـك والفـواد معلولـي
وليا غدت بـه كلمـهً مالهـا غيـب
................. ماهو من اطيب ربعي اللي غدولـي
الرجل ما يغصب على الطيب تغصيب
....................ليا صار ماهـو دل ظمـن الدلولـي
ومن عاده اللي طيبه ايحضر ويغيب
.................ليا طالـت الرفقـه زهوقـاً ملولـي
وليا بلنـك غبـر الايـام بصحيـب
.................في مستوى طيبه صعـود ونزولـي
اعرف ترا الدنيا دروس وتجاريـب
................والكامـل الله والنقـاء للرسـولـي
اخذت حكمه مـن كـلام اللواعيـب
.................للطيـب نـاس وللعـذارى فحولـي

شكريين على المروور

اي خدمه ,, مع السلامه

موضوع مميز

الف شكر ع مواضيعك المميزة

شكرين على المرور