قصيدة سلطان الهاجري

الرفيق اللي ليا غبت مايحمي قفاي


اجل ليا صرت حاظر ماني بحاجته


احتمي دوري ودور القبيله من وراي


جمـد وهـرج الفرغـات يا هـراجـتـه


كانها بمـصامـخ الـروس ولا باي باي


خلو الفلم الـمدبـلج على دبـلاجـته


طول عمري مستمع من ضعيف الراي راي


ولاطمعـت بديك خيـبر ولا دجاجـته


ولا العداوه شي عادي تجيني من عداي


من نسج نسج العداوه عرفت انساجته


وان كلاني مخلب(ن)من مخاليب إصدقاي


قلت ضاعت صيدته في طرف عجاجته


وان ثــناها مــرة ثانـــيه جـــعــله فــداي


ولافي صحك البل خواجه كلا جواجته


الأرض ماهي ملك ابي والسماء ماهي سماي


مار الأعوج ليا إعترضلي عدلت إعواجته


إفـرده وذوقـه لـمسـتيـن مـن عــصــاي


إدبــه تـأديــب طــفل(ن) على دراجـتـه


لين ينسى عناد راسه ويذكر مستواي


يـنـتـبـه ولا يـسـوهـج على سـوهـاجـته


في نظرته الناس مالون وهو هاي هاي


والــمــدوج مابـعـد فــاق مــن دواجـتـه


وإبك انا لو اشرب البحر مايقطع ضماي


وانت مثل الضب يزحف تحت عجاجته