جهينة ترحب بعودة الامير سلطان

هذه قصيدة للشاعر/عايد فهد الجهني بمناسبة عودة صاحب السمو الملكي الامير/ سلطان بن عبدالعزيز طيباً معاافى الى ارض الوطن

المملكة نورت في شوف سلـــــطان
واستمطرت من جنوب الى الشمالي
من يوم ابو خالد شفى عالي الشان
المملكه لبست طبيع الجمالي
حبه طبع بالقلب في كل شريان
صديق الايتام رجالا مثالي
سبحان ربي عزيز الملك والشان
رده علينا بعد طول الليالي
ادعوا معي يحفظه في كل الازمان
يا غافر الذنب يا عزيز الجلالي
راع الوفا والامانه اعز برهان
راع الوفا وافيا بأول وتالي
سلطان وافي وفي في كل ميدان
لا دارت المعركه مثل الخيالي
تحفظ ملكنا تحبه كل الاوطان
انا اشهد انه حكيما بالعدالي
يحفظك ربي لنا يا طير حوران
الاهل اللي لشعبه راس مالي
تحفظك يا محمد ونايف وسلمان
قضوا على اللي كل مفسد زوالي
ياللي رفعت السماء من دون عمدان
تحفظ لنا المملكه عن كل صالي
هذا وطنا ما نبيعه بالاوثمان
دون الوطن نرخص عزيزاً وغالي
حنا حمات الدار لا صار عدوان
لو طول الميقاف حرب الكتالي
جيش السعودي حررت جبل دخان
ولا ثابت الحيلات والاحتيالي
صوت المدافع بالجبل تقل بركان
خلت جنود الحوث موتى وعزالي
حنا سعوديه مواقف لها شان
تشرف مواقفنا بكل المجالي
ندعس على روس الافاعي وديبان
لما عدو الدين جاه الخبالي
حنا سعودية على الحق عوان
ونراعي حقوق الجار في كل حالي
نراعي حقوق الجار ما نحب طغيان
والخالق المعبود له الكمالي
حنا سعوديه لنا عزم وايمان
ونرسي كما ترسي صخور الجبالي
جهينه ترحب عموم فلان وفلان
فرحت بعودتك يا زين القبالي
جهينه زفت الفرحه على كل موقع كان
كلاً فرح في شوفتك يا أجود الخالي
كلاً على شوفتك والله ولهان
والله والله يا طيب الفالي
وصلاة ربي د ما طاف الاركان
واعداد زخات المطر بالرمالي


الشاعر/عايد فهد العنمي الجهني
20/1/1431 هـ