الشاعر محمد حباب القحطاني

يامـل قـلـب قــزا مــن كـثـرة همـومـه
واليا ضوى الليل تسريبي هواجيسـي
عذبـنـي بـذبـة الـمـرقـاب وخـشـومـه
ما يدله القلـب مـن كثـر الحواسيسـي
ابـزهـم الـلــي فـهـيـم لاحـــد يـلـومـه
والعيـن فـي حجرهـا مثـل الدبابيسـي
واللي حداني شباب مـا افهـم علومـه
اهل الردى ضايعيـن فـي الغطاريسـي
الدود يرعى بهـا والاجسـام مسمومـه
مثل الثعالب تحوص من الجواسيسي
الوقـت يجريبـهـا والآجــال محتـومـة
والبيـت مـا ينبنـا مـن غيـر تاسيسـي
النـاس ترقـد وهـي باللـيـل محـرومـه
واليا اذن الفجر ترقد وفوقهـا بليسـي
تـحـت المكـيـف راقــد ليـلـه ويـومــه
قلبـه مريـض وجسمـه كلـه مخيـسـي
واليا لبس له ملبوس تسحب كمومـه
يـمــر نـــاس شـواحـيــذ لـواحـيـسـي
ولـد الـردي لا يغـرك لبـسـت هـدومـه
لاهوب حر ولا هـوب مـن القرانيسـي
واليا صفـا الجـو كـن القـاع مردومـه
يجحد مطب الوعر من فرعت الكيسي
وان جا المجالس شفتـه كنّـه البومـه
يشتـاق لاهـل الـردا وأهـل الدنافيسـي
ويفـز لا شـاف جيلـه قــوت عـزومـه
خلا المجالس يفحـط فـي القراطيسـي
مجالـس الشـر فيهـا الشـر وسهومـه
يالعاقـل اخـذ العبـر والعـلـم تدريـسـي
ومجالس الشر واهـل الشـر مهزومـه
ومجالس الخير فيهـا العـز مـا ديسـي
ومجالـس الشـر فيهـا الشـر ملغـومـه
جـنـب طـرايـق ابلـيـس والملابيـسـي
ومجالس الخير وعن الشر معصومـه
مـا هيـب شلـة وجلسـات الدعافيسـي
ومجالس الخير عند الناس محشومـة
عليـك باهـل الوفـاء وخـل الدلابيسـي